முன்னாள் எம்எல்ஏ தண்டபாணி காலமானார்... தொண்டர்கள் அஞ்சலி!

 

திண்டுக்கல் மாவட்டம் வேடசந்தூர் தொகுதியில், கடந்த 2006ல் காங்கிரஸ் சார்பில் போட்டியிட்டு எம்எல்ஏவாக தேர்ந்தெடுக்கப்பட்டவர் எம்.தண்டபாணி (75). கடந்த சில மாதங்களாகவே இவர் உடல்நிலை குறைவால் வீட்டிலேயே சிகிச்சை பெற்று வந்த நிலையில் சிகிச்சைப் பலனளிக்காமல் காலமானார். 

காங்கிரஸ் கட்சியின் இளைஞரணியில் தனது அரசியல் பயணத்தை துவக்கிய எம்.தண்டபாணி, 1986ல் திண்டுக்கல் மாவட்டம் ஒட்டன்சத்திரம் ஊராட்சி ஒன்றிய தலைவராக பதவி வகித்தார். அதன் பின்னர் 1996ல் மாவட்ட கவுன்சிலராக தேர்வு செய்யப்பட்டார். 1998ம் ஆண்டு முதல் 2013ம் ஆண்டு வரையில் திண்டுக்கல் மாவட்ட காங்கிரஸ் கட்சி தலைவராகவும் பொறுப்பு வகித்திருந்தார்.

2006ம் ஆண்டு முதல் 20011ம் ஆண்டு வரை வேடசந்தூர் தொகுதி எம்.எல்.ஏ.,வாக தேர்வு செய்யப்பட்டார். தொடர்ந்து காங்கிரஸ் கட்சியில் பணியாற்றிவந்த இவர், பின்னர் வாசன் தலைமையிலான தமிழ் மாநில காங்கிரசில் இணைந்து பணியாற்றினார். 

உடல்நலக்குறைவால் வீட்டில் இருந்தபடியே பெற்று வந்த நிலையில் சிகிச்சைப் பலனளிக்காமல் நேற்று அக்டோபர் 27ம் தேதி மாலை உயிரிழந்தார்.

முன்னாள் எம்எல்ஏ எம்.தண்டபாணியின் உடல் அவரது சொந்த ஊரான வேடசந்தூர் அருகே உள்ள மல்லிகாபுரம் கிராமத்தில் இன்று மாலையில் நல்லடக்கம் செய்யப்படவுள்ளது. பல்வேறு அரசியல் கட்சி பிரமுகர்கள், தொண்டர்கள் அஞ்சலி செலுத்தி வருகின்றனர்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

ஐப்பசி மாசத்துல இந்த 6 ராசிக்காரர்களுக்கும் அதிர்ஷ்ட மழை...

 ஐப்பசியில இந்த 6 ராசிக்காரங்க யாருக்கும் ஜாமீன் கையெழுத்து போடாதீங்க

இந்த 8 நட்சத்திரக்காரர்களுக்கு அதிர்ஷ்ட மழை... வாய்ப்பை பயன்படுத்திக்கோங்க!