13 வயது சிறுமியுடன் உல்லாசம்.. 17 வயது சிறுவன் போக்சோவில் கைது.. அதிர்ச்சி பின்னணி!
சென்னை ஈசிஆர் கிழக்கு கடற்கரை சாலை ஈஞ்சம்பாக்கம் பொத்தல் நகரில் 13 வயது சிறுமி தனது பாட்டியுடன் வசித்து வருகிறார். இவர் அதே பகுதியில் உள்ள தனியார் பள்ளியில் 8ம் வகுப்பு படித்து வந்தார். நேற்று வழக்கம் போல் பள்ளிக்கு சென்ற சிறுமி நீண்ட நேரமாகியும் வீடு திரும்பவில்லை. இதனால் பீதியடைந்த பாட்டி பல்வேறு இடங்களில் தேடியும் சிறுமியை காணவில்லை. இதையடுத்து நீலாங்கரை காவல் நிலையத்தில் பாட்டி புகார் அளித்தார்.
இதுகுறித்த புகாரின் பேரில் நீலாங்கரை போலீசார் விசாரணை நடத்தி வந்தனர். பின்னர் பள்ளி அருகே உள்ள சிசிடிவி காட்சிகளை ஆய்வு செய்தனர். மாணவி ஒரு சிறுவனுடன் சுமார் ஒரு மணி நேரம் பேசிக் கொண்டிருந்தது தெரியவந்தது. இதையடுத்து அந்த வாலிபரின் செல்போன் எண்ணை போலீசார் கண்டுபிடித்தனர்.
அப்போது சிறுவன் திருவான்மியூர் அருகே உள்ள விடுதியில் தங்கி இருப்பது தெரியவந்தது. போலீசார் அங்கு சென்றபோது, அங்கிருந்த 3 பேரையும் கைது செய்தனர். காவல்நிலையத்திற்கு அழைத்துச் சென்று விசாரித்தபோது, பெற்றோர் இல்லாத சிறுமியை மிகவும் கட்டுப்பாடாக வளர்க்கப்பட்டதாகத் தெரிகிறது.
சிறுமி குடும்ப நலன் கருதி தனது வீட்டிற்கு அருகில் உள்ள பல்பொருள் அங்காடியில் பகுதி நேர வேலை செய்து வந்துள்ளார். அப்போது, அதே பகுதியில் உள்ள தனியார் விடுதியில் வசித்து வரும் 17 வயது வடமாநில வாலிபருடன் பழக்கம் ஏற்பட்டு, பின்னர் காதலித்து வந்தனர். இந்நிலையில் பாட்டி மீதுள்ள கோபத்தால் சிறுமியை மூளைச்சலவை செய்துள்ளார் சிறுவன்.
எங்காவது சென்று திருமணம் செய்து கொண்டு வேலை செய்து பிழைக்கலாம் என்பது விசாரணையில் தெரியவந்தது. சிறுவனுடன் வேலை பார்த்த ஒருவரிடம் உதவி கேட்டபோது, இருவரையும் காலையில் ரயிலில் ஏற்றி அனுப்ப உதவியது தெரியவந்தது. மருத்துவ பரிசோதனையில் சிறுமி பாலியல் வன்கொடுமைக்கு ஆளானது தெரியவந்தது. இதையடுத்து, சம்பந்தப்பட்ட வடமாநில வாலிபர் போக்சோ வழக்கில் கைது செய்யப்பட்டு சிறையில் அடைக்கப்பட்டார்.
இதையும் பிடிச்சிருந்தா படிச்சு பாருங்க
வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!
பகீர்! கல்லூரி மாணவியைக் கடத்தி பாலியல் வன்கொடுமை!
பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!