Fake Call Alert : தொலைத்தொடர்புத் துறை பகீர் வார்னிங்.. எதற்கு தெரியுமா?
போலி அழைப்புகள் குறித்து எச்சரிக்கை விடுத்துள்ள தொலைத்தொடர்பு துறை, www.sancharsaathi.gov.in என்ற இணையதளத்திலும் தெரிவிக்க அறிவுறுத்தியுள்ளது. மேலும், மொபைல் எண் துண்டிக்கப்படும் என்ற போலி அழைப்புகள் குறித்து பொதுமக்கள் பீதி அடைய வேண்டாம் என தகவல் தொடர்பு அமைச்சகத்தின் தொலைத்தொடர்பு துறை (டிஓடி) கேட்டுக் கொண்டுள்ளது.
வெளிநாட்டு எண்களில் இருந்து வரும் வாட்ஸ்அப் அழைப்புகளுக்கு (+92-xxxxxxxxxx) அரசு அதிகாரிகளைப் போல ஆள்மாறாட்டம் செய்து மக்களை ஏமாற்றுவதற்கு எதிராக தொலைத்தொடர்பு துறை ஒரு ஆலோசனையை வெளியிட்டுள்ளது. இவ்வாறான அழைப்புகள் மூலம் சைபர் கிரைம்கள் மற்றும் நிதி மோசடிகளை மேற்கொள்ள சைபர் குற்றவாளிகள் திட்டமிட முயற்சிப்பதாக தெரிவிக்கப்படுகிறது. தொலைத்தொடர்புத் துறை மற்றும் தொலைத்தொடர்பு ஒழுங்குமுறை ஆணையம் சார்பில் இதுபோன்ற அழைப்புகளை மேற்கொள்ள யாருக்கும் அதிகாரம் இல்லை என விளக்கமளிக்கப்பட்டுள்ளது.
www.sancharsaathi.gov.in/sfc என்ற இணையதள இணைப்பின் மூலம் மக்கள் விழிப்புடன் இருக்கவும், சந்தேகத்திற்கிடமான மோசடி அழைப்புகள் குறித்த தகவல்களைத் தெரிவிக்கவும் கேட்டுக் கொள்ளப்படுகிறார்கள். இதுபோன்ற புகார்கள் இணைய குற்றங்கள், நிதி மோசடிகள் போன்றவற்றை தடுக்க உதவும். நீங்கள் ஏற்கனவே இணைய குற்றங்களால் பாதிக்கப்பட்டிருந்தால், 1930 என்ற ஹெல்ப்லைன் எண்ணையோ அல்லது www.cybercrime.gov.in என்ற இணையதளத்தையோ பயன்படுத்தி புகார்களை தெரிவிக்கலாம் என தொலைத்தொடர்பு துறை தெரிவித்துள்ளது. .
சைபர் கிரைம் நடவடிக்கைகளை தடுக்க மத்திய அரசு பல்வேறு நடவடிக்கைகளை எடுத்து வருகிறது. CHAKSHU வசதியின் கீழ், தீங்கிழைக்கும் குறுஞ்செய்திகளை அனுப்புவதில் ஈடுபட்டுள்ள 52 முதன்மை நிறுவனங்கள் தடுப்புப்பட்டியலில் சேர்க்கப்பட்டுள்ளன. 700 SMS டெம்ப்ளேட்கள் முடக்கப்பட்டுள்ளன. இந்தியா முழுவதும் 348 செல்போன்கள் தடுப்புப்பட்டியலில் சேர்க்கப்பட்டுள்ளன.
சந்தேகத்திற்கிடமான 10,834 மொபைல் எண்களை சரிபார்க்க தொலைத்தொடர்பு நிறுவனங்கள் கேட்கப்பட்டுள்ளன. அதில் 8272 மொபைல் இணைப்புகள் துண்டிக்கப்பட்டுள்ளன. மத்திய அரசு வெளியிட்டுள்ள செய்திக்குறிப்பில், சைபர் கிரைம்/நிதி மோசடிகளில் ஈடுபட்டதற்காக பான் இந்தியா அடிப்படையில் 1.86 லட்சம் மொபைல் கைபேசிகள் முடக்கப்பட்டுள்ளன.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
இனி உச்சம்... பணமழை கொட்டப்போகும் ராசிகள்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!