சூப்பர்... .கல்விக்கடன் ரூ1லட்சத்திலிருந்து ரூ5 லட்சமாக உயர்வு!
தமிழகம் முழுவதும் கூட்டுறவு நிறுவனங்கள் மூலம் ரூ ஒரு லட்சம் வரை கல்விக்கடன் வழங்கப்பட்டு வந்தது. தற்போது இந்தக் கல்விக்கடன் ரூ.1 லட்சத்திலிருந்து ரூ.5 லட்சமாக உயர்த்தப்பட்டு இருப்பதாக கூட்டுறவுத்துறை அமைச்சர் பெரியகருப்பன் தெரிவித்துள்ளார்.இது குறித்து அவர் வெளியிட்டுள்ள செய்திக்குறிப்பில் “ இளைஞர்கள் வாழ்வில் முன்னேற்றம் அடைவதற்கு, கல்வி மிகவும் அவசியம். கல்லூரி கல்வி பயிலும் மாணவர்களுக்கு பொருளாதார சிக்கல் ஒரு தடையாக இருக்க கூடாது என்பதை கருத்தில் கொண்டு தமிழக முதல்வர் ஸ்டாலின் உத்தரவுப்படி கூட்டுறவு நிறுவனங்கள் மூலம் மாணவர்களின் புத்தக கட்டணம், தங்கும் விடுதி கட்டணம், உணவு கட்டணம், டியூஷன் கட்டணம் இவைகளை செலுத்த ஏதுவாக ரூ. 1 லட்சமாக வழங்கப்பட்டு வந்த கல்விக்கடன் ரூ.5 லட்சமாக உயர்த்தப்பட்டுள்ளது.
கல்விக்கடன் பெறும் மாணவர்கள் கல்வி பயிலும் காலம் முடிவடைந்ததும் 6 மாதங்கள் கழித்து அடுத்து வரும் 5 வருடங்களுக்குள் கடனை திருப்பி செலுத்த வேண்டும்.இக்கல்விக் கடனுக்கான அதிகபட்ச வட்டி விகிதம் 10% அங்கீகரிக்கப்பட்ட பல்கலைக்கழகம் மூலம் அங்ககீகரிக்கப்பட்ட பட்டயப் படிப்பு மற்றும் இளங்கலை பட்டப்படிப்பு மட்டுமின்றி, முதுகலைப் பட்டப் படிப்புக்கும், தொழில்முறை படிப்புகளுக்கும் கூட கூட்டுறவு நிறுவனங்கள் கல்விக் கடன் வழங்குகின்றன. இதில் முதலாம் ஆண்டு மாணவர்களுக்கு மட்டுமின்றி, இரண்டாம் ஆண்டு, மூன்றாம் ஆண்டு பயிலும் கல்லூரி மாணவர்களுக்கும் கல்விக் கடன்கள் வழங்கப்பட்டு வருகின்றன.
தமிழ்நாடு சிறுபான்மையினர் பொருளாதார மேம்பாட்டுக் கழகத்தால் சிறுபான்மையின மாணவர்களுக்கு கூட்டுறவு வங்கிகள் மூலம் குறைந்த வட்டி விகிதத்தில் கல்விக் கடன் வழங்கப்பட்டு வருகின்றன. தமிழ்நாடு மாநில தலைமைக் கூட்டுறவு வங்கி, மாவட்ட மத்தியக் கூட்டுறவு வங்கிகள், நகரக் கூட்டுறவு வங்கிகள், நகரக் கூட்டுறவுக் கடன் சங்கங்கள், தொடக்க வேளாண்மைக் கூட்டுறவுக் கடன் சங்கங்கள், நிறுவனங்களை மாணவர்கள் அணுகி உரிய ஆவணங்கள் சமர்ப்பித்து, கல்விக் கடனை பெற்று பயன் பெறலாம் என தெரிவிக்கப்பட்டுள்ளது.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!