திமுக நிர்வாகி ஒருவர் நடுரோட்டில் ஓட ஓட விரட்டி வெட்டிப் படுகொலைச் செய்யப்பட்ட சம்பவம் திண்டுக்கல் மாவட்டத்தில் பதற்றத்தை ஏற்படுத்தியுள்ளது.

திண்டுக்கல் மாவட்டம் வேடசந்தூரில் திமுக தெற்கு ஒன்றிய பொருளாளராக் பதவி வகித்து வந்தவர் மாசி. இவர் வேடசந்தூர் அருகே மர்ம நபர்களால் நடுரோட்டில் ஓட ஓட விரட்டி வெட்டி படுகொலை செய்யப்பட்டார்.

வேடசந்தூர் அருகே இவரது தோட்டத்திற்குச் சென்று விட்டு, வீட்டிற்கு திரும்பிச் சென்றுக் கொண்டிருந்த போது, ​​சமத்துவபுரம் அருகே மர்ம ஆசாமிகள் இவரை வழிமறித்து நடுரோட்டில் வெட்டிப் படுகொலைச் செய்து விட்டு, அங்கிருந்து தப்பிச் சென்றனர். மர்ம நபர்கள் வெட்டியதில் சம்பவ இடத்திலேயே பரிதாபமாக காசி உயிரிழந்தார்.

இந்த படுகொலைக் குறித்து தகவலறிந்து போலீசார் சம்பவ இடத்திற்கு விரைந்து சென்று காசியின் உடலை மீட்டு பிரேத பரிசோதனைக்காக வேடசந்தூர் அரசு மருத்துவமனைக்கு அனுப்பி வைத்தனர். மருத்துவமனை முன்பாக குற்றவாளிகளை கைது செய்யக் கோரி உறவினர்கள் மறியலில் ஈடுபட்டனர்.

தமிழகத்தின் பல்வேறு பகுதிகளில் ஆங்காங்கே கொலை, குற்றச் சம்பவங்கள் தொடர்ந்து நடைபெற்று வருகின்றன. தென் மாவட்டங்களில் குறிப்பாக நெல் வயல்களில் கொலைச் சம்பவங்கள் அதிகரித்து வருவது குறிப்பிடத்தக்கது. கடந்த சில நாட்களுக்கு முன்பு திண்டுக்கல்லில் பல்வேறு குற்ற வழக்குகளில் தொடர்புடைய பிரபல ரவுடி அடையாளம் தெரியாத மர்ம நபர்களால் வெட்டி படுகொலை செய்யப்பட்டார்.

கொலையில் தொடர்புடைய இரு கொலையாளிகளையும் போலீசார் கைது செய்து சிறையில் அடைத்தனர். குறிப்பாக அவரது முகத்தை குறி வைத்து அந்த கும்பல் அவரை சிதைத்து கொன்னர். தற்போது திண்டுக்கல்லில் இது போன்ற கொலைச் சம்பவம் நடந்துள்ளது.  திண்டுக்கல் மாவட்டம் வேடசந்தூர் அருகே திமுக தெற்கு ஒன்றிய பொருளாளர் மாசி மர்ம நபர்களால் வெட்டி படுகொலை செய்யப்பட்டார். கொலையாளிகள் அவரை வெட்டி விடாமல் இருக்க, மாசி தடுக்க முயன்றபோது அவரது கை துண்டானது குறிப்பிடத்தக்கது.

திண்டுக்கல் மாவட்டம் வேடசந்தூர் அருகே உள்ள குன்னம்பட்டியை சேர்ந்தவர் மாசி (வயது 40). இவர் வேடசந்தூர் தெற்கு ஒன்றிய திமுக பொருளாளராக உள்ளார். இவரது மனைவி முத்துமாரி நாகம்பட்டி ஒன்றிய கவுன்சிலராக உள்ளார். இந்நிலையில் மாசி, பெருமாள் கவுண்டன்பட்டியில் உள்ள தனது தோட்டத்திற்கு இருசக்கர வாகனத்தில் சென்றார். தோட்டத்துக்குச் சென்று விட்டு வீட்டிற்கு  திரும்பும் வழியில் ​​சமத்துவபுரம் அருகே மர்மநபர்கள் அவரை வழிமறித்து அரிவாளால் வெட்டினர்.

இதையடுத்து இருசக்கர வாகனத்தை விட்டு கீழே இறங்கி விட்டு மாசி அங்கிருந்து ஓடினார். ஆனால், அந்த கும்பல் அவரை துரத்திச் சென்று தலை, கழுத்து, கைகளில் சரமாரியாக வெட்டியது. இதில் மாசியின் ஒரு கை துண்டிக்கப்பட்டு தனியாக விழுந்தது. ரத்த வெள்ளத்தில் கீழே சரிந்த மாசி சம்பவ இடத்திலேயே இறந்தார். இதை பார்த்த அருகில் இருந்தவர்கள் வேடசந்தூர் போலீசாருக்கு தகவல் தெரிவித்தனர். அதன் பேரில் போலீசார் சம்பவ இடத்துக்கு வந்து மாசியின் உடலை மீட்டு பிரேத பரிசோதனைக்காக வேடசந்தூர் அரசு மருத்துவமனைக்கு அனுப்பி வைத்தனர். குற்றவாளிகளை கைது செய்யக்கோரி வேடசந்தூர் அரசு மருத்துவமனை முன்பு மாசி உறவினர்கள் ஆம்புலன்சை மறித்து போராட்டத்தில் ஈடுபட்டதால் பரபரப்பு ஏற்பட்டது.

திமுகவினர் அங்கு திரண்டதால் பரபரப்பு நிலவிய நிலையில், போலீசாரும் குவிக்கப்பட்டனர். நேரம் செல்ல செல்ல கூட்டம் கூடி தகராறு ஏற்பட்டது. இதையடுத்து பாதுகாப்பு கருதி மாசியின் உடல் திண்டுக்கல் அரசு பொது மருத்துவமனைக்கு அனுப்பி வைக்கப்பட்டது. இதனால் அங்கு பரபரப்பு சற்று குறைந்தது. திமுக நிர்வாகி வெட்டி படுகொலை செய்யப்பட்ட சம்பவம் வேடசந்தூர் பகுதியில் பெரும் அதிர்ச்சியை ஏற்படுத்தியுள்ளது.

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!