கதறும் கேரளா... வேகமெடுக்கும் டெங்கு காய்ச்சல்... ஒரே மாதத்தில் 2.29 லட்சம் பேருக்கு பாதிப்பு... 26 பேர் உயிரிழப்பு!

 

கேரள மாநிலம், திருவனந்தபுரத்தில் டெங்கு காய்ச்சல் அதிகரித்து வருகிறது. டெங்கு காய்ச்சல் பாதிப்பு காரணமாக  10 ஆயிரத்திற்கும் மேற்பட்டோர் சிகிச்சை பெற்று வரும் நிலையில், டெங்கு பாதிப்பு எண்ணிக்கையும் நாளுக்கு நாள் அதிகரித்து வருகிறது. கடந்த 10 நாட்களில் 1075 டெங்கு காய்ச்சலால் பாதிக்கப்பட்டுள்ளனர். தினமும் 100க்கும் மேற்பட்டோர் டெங்கு காய்ச்சலால் பாதிக்கப்பட்டுள்ளனர். சமீபத்தில் பெய்து வந்த மழைக்கு பின் டெங்கு காய்ச்சல் பாதிப்பும், மஞ்சள் காமாலையும் பரவுவது அதிகரித்துள்ளது. 

கேரளத்தில், எர்ணாகுளம் மாவட்டத்தில் டெங்கு பாதிப்பு அதிகம் உள்ளதாக தெரிவிக்கப்பட்டுள்ளது. திருவனந்தபுரம், கொல்லம், ஆலப்புழா, பத்தனம்திட்டா மற்றும் திருச்சூர் மாவட்டங்களிலும் டெங்கு பரவல் அதிகரித்துள்ளது. இதுவரை 11,187 பேர் காய்ச்சலுக்கு சிகிச்சை பெற்றுள்ளனர். மலப்புரத்தில் அதிக எண்ணிக்கையிலான டெங்கு காய்ச்சல் பாதிப்புகள் உள்ளதாக தெரிவிக்கப்பட்டுள்ளது. 
மே மாதத்தை விட மூன்றரை மடங்கு அதிகமாக எச்1என்1 பாதிப்பு உள்ளது. H1N1 வைரஸ் பாதிப்புகளால் 217 பேரும், லெப்டோஸ்பிரோசிஸ் பாதிப்புகளுக்கு 127 பேரும் சிகிச்சைக்காக அனுமதிக்கப்பட்டுள்ளனர்.  ஜூன் மாதத்தில் டெங்கு காய்ச்சல், லெப்டோஸ்பிரோசிஸ், எச்1என்1 ஆகிய நோய்களால் 26 பேர் உயிரிழந்துள்ளனர். 
திருவனந்தபுரம் மாவட்டம் தொற்று நோய்களில் இரண்டாவது இடத்தில் உள்ளது. ஜூன் மாதத்தில் மட்டும் 2.29 லட்சம் பேர் காய்ச்சலால் பாதிக்கப்பட்டுள்ளனர் என்று தகவல் வெளியாகி உள்ளது. 

டெங்கு காய்ச்சலை தடுக்க
கொசு உற்பத்தி ஆகும் இடத்தை முற்றிலும் அழித்தல்
உங்கள் வீடு, அலுவலகம் போன்ற இடங்களில் எங்கும் தண்ணீரைத் தேங்க விடாதீர்கள்.
காலையிலும் மாலையிலும் ஜன்னல்கள் மற்றும் கதவுகளை நன்றாக மூடி வையுங்கள். 
கொசுக்களை விரட்ட வீட்டில் கொசு விரட்டியைப் பயன்படுத்துங்கள். 
ஜன்னல்கள் மற்றும் கதவுகளில் கொசு வலைகளைப் பயன்படுத்தவும். 

பானைகள், தேங்காய் மட்டைகள், தேங்காய் மட்டைகள், டயர்கள், முட்டை ஓடுகள் போன்றவற்றை அலட்சியமாக வீசாதீர்கள். 
கொசு கடிக்காமல் இருக்க முழு உடலையும் மறைக்கும் ஆடைகளை அணியுங்கள். கொசுவலை மற்றும் கொசு விரட்டும் கிரீம்களை கண்டிப்பாக பயன்படுத்த வேண்டும்.
காய்ச்சல் உள்ளவர்கள் கொசுக்கள் கடிக்காமல் கூடுதல் கவனம் செலுத்த வேண்டும்.
டெங்கு காய்ச்சல் பரவ வாய்ப்பு உள்ளது என்பதால் விழிப்புணர்வோடு பாதுகாப்பாக இருங்கள். 
டெங்கு அறிகுறிகள் தென்பட்டால் 2 நாட்களுக்கு காய்ச்சல் நீடித்தால், மருந்து கடைகளில் மருந்துகளை வாங்கி உட்கொள்ளாமல் உடனடியாக மருத்துவரை சந்தித்து ஆலோசனை பெறுங்கள்.

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!

விட்டேனா பார்!! ராஜநாகத்துடன் ஆக்ரோஷமாக சண்டையிடும் கோழி!