ஐபிஎல் மேட்ச் பாக்க போறீங்களா.... சிகரெட், லேப்டாப், தண்ணீர் பாட்டில்கள் கொண்டு செல்லத் தடை!
ஐபிஎல் கிரிக்கெட் போட்டிகள் தொடங்கி விறுவிறுப்பாக நடைபெற்று வருகின்றன. இந்நிலையில் ஹைதராபாத்தில் உள்ள ராஜீவ் காந்தி சர்வதேச கிரிக்கெட் ஸ்டேடியத்தில் ஏப்ரல் 5ம் தேதி போட்டிகள் நடைபெற உள்ளன. இந்நிலையில் ஸ்டேடியம் நிர்வாகம் பார்வையாளர்களுக்கு கடும் கட்டுப்பாடுகளை விதித்துள்ளது. இந்த ஸ்டேடியத்தில் பாதுகாப்பு குறித்து ரச்சகொண்டா போலீஸ் கமிஷனர் தருண் ஜோஷி செய்திக்குறிப்பு ஒன்றை வெளியிட்டுள்ளார். அதில் ‘ஏப்ரல் 5ம் தேதி திட்டமிடப்பட்ட போட்டிக்கு பார்வையாளர்களின் பாதுகாப்பை உறுதி செய்யும் வகையில் மொத்தம் 2,800 போலீசார் பணியில் ஈடுபடுத்தப்படுவார்கள்.
கூடுதலாக, 360 கண்காணிப்பு கேமராக்கள் ஸ்டேடியத்தை சுற்றிலும் நிறுவப்பட்டுள்ளது. போட்டிகள் முழுவதும் பாதுகாப்பு நெறிமுறைகளை மேம்படுத்தவும், பெண் பார்வையாளர்களின் பாதுகாப்பிற்காகவும் அவர்களை பின்தொடர்தல் மற்றும் துன்புறுத்தல் போன்ற நிகழ்வுகளைத் தடுக்க ஷி டீம்கள் ஸ்டேடியம் முழுவதும் ஆங்காங்கே நிறுத்தப்பட்டிருக்கும். அத்துடன் அவசர நிலையை உடனடியாக எதிர்கொள்ளும் வகையில் ஆம்புலன்ஸ்கள் மற்றும் தீயணைப்பு வாகனங்கள் தயார் நிலையில் இருக்கும். ஆயுதம் ஏந்திய போலீசார், இடம் மற்றும் சுற்றிலும் தந்திரமாக நிலைநிறுத்தப்படுவார்கள்.
போட்டிகளின் போது மைதானத்திற்குள் மடிக்கணினிகள், தண்ணீர் பாட்டில்கள், பேனர்கள், லைட்டர்கள், சிகரெட்டுகள் மற்றும் பைனாகுலர்கள் ஆகியவை முற்றிலும் தடை செய்யப்பட்டுள்ளன. நுழைவு நேரத்தைப் பொறுத்தவரை, ஸ்டேடியத்தின் வாயில்கள் பகல் போட்டிகள் தொடங்குவதற்கு 3 மணி நேரத்திற்கு முன்பும், இரவு போட்டிகளுக்கு மாலை 4:30 மணிக்கும் ஸ்டேடியத்தின் வாயில்கள் திறக்கப்படும். கூடுதலாக, போட்டிகளின் போது பார்வையாளர்கள் கொண்டு வரக்கூடிய பொருட்கள் அனைத்தும் தீவிர பரிசோதனைக்கு பிறகே அனுமதிக்கப்படும்” எனத் தெரிவித்துள்ளார்.
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
பங்குனி உத்திரத்தின் மகத்துவம் தெரிஞ்சுக்கோங்க..!