தமிழகத்தில் கோலாகலம்... இன்று 3 மாவட்டங்களில் சர்வதேச பலூன் திருவிழா!
தமிழக அரசின் சுற்றுலா வளர்ச்சி கழகத்தின் சார்பில் ஒவ்வொரு ஆண்டும் பொங்கல் பண்டிகையையொட்டி ஜனவரி மாதத்தில் தமிழகத்தில் சர்வதேச பலூன் திருவிழா நடத்தப்பட்டு வருகிறது.தமிழகத்தில் இந்த வருடம் 10வது ஆண்டாக நடந்தப்படும் பலூன் திருவிழா, இந்த முறை சென்னை, மதுரை, பொள்ளாச்சி ஆகிய 3 இடங்களில் நடக்க உள்ளது.
சென்னையை அடுத்த கோவளம் கிழக்கு கடற்கரை சாலையில் உள்ள திருவிடந்தையில் இன்று ஜனவரி 10ம் தேதி முதல் ஜனவரி 12ம் தேதி வரையிலும், பொள்ளாச்சி ஆச்சிபட்டியில் ஜனவரி 14ம் தேதி முதல் ஜனவரி 16ம் தேதி வரையிலும், மதுரை மாவட்டம் அலங்காநல்லூர் கீழக்கரையில் உள்ள கலைஞர் நூற்றாண்டு ஜல்லிக்கட்டு அரங்கில் ஜனவரி 18 மற்றும் 19ம் தேதிகளிலும் சர்வதேச பலூன் திருவிழா நடைபெற உள்ளது.
இது குறித்து சுற்றுலாத்துறை அதிகாரி கூறுகையில், 'மதுரையில் முதன்முறையாக பலூன் திருவிழா நடக்க உள்ளது. இங்கிலாந்து, பிரான்ஸ், ஆஸ்திரியா, பிரேசில், பெல்ஜியம், ஜப்பான், தாய்லாந்து, வியட்நாம் உள்ளிட்ட பல நாடுகளின் ஹாட் ஏர் (வெப்ப காற்று) பலூன்கள் பறக்க விடப்பட உள்ளன. இதற்காக பல்வேறு நாடுகளில் இருந்து ஹாட் ஏர் பலூன் பைலட்டுகள் தமிழகம் வந்துள்ளனர். மேலும் மிக்கி மவுஸ், டைனோசர் உள்பட பல்வேறு வடிவங்களிலும், தனித்துவமான வண்ணங்களிலும் பலூன்கள் பறக்க விடப்படுகிறது' என்றார்.
2025 புத்தாண்டு இந்த 6 நட்சத்திரத்தில் பிறந்தவங்களுக்கு தான் அதிர்ஷ்ட மழை!
மார்கழி மாத விரத முறைகள், வழிபாடு, பலன்கள்!
ஐயப்பன் பக்தர்கள் தெரிஞ்சிக்கோங்க ... சபரிமலை சுவாரஸ்யங்கள்!