5 ரூபாயை கூடுதலாக வாங்கியதால் ஆத்திரம்.. ஊரையே கூட்டி வந்து கடையை அடித்து நொறுக்கிய நபர்!
கரூர் குளித்தலை அருகே கொசூரில் கோவிந்தராஜ், அவரது மகன் சிவக்குமார், சரவணன் ஆகியோர் பேக்கரி நடத்தி வருகின்றனர். இந்நிலையில், இவர்களது பேக்கரிக்கு நேற்று மாலை கோட்டைகரையான்பட்டியை சேர்ந்த வேல்முருகன் என்பவர் வந்து பாதாம்கீர் குளிர் பாகங்களை வாங்கி குடித்தார். பின்னர் அதற்குரிய தொகையை செலுத்த விலை கேட்டபோது ஒன்றின் விலை ரூ.30 என பேக்கரி உரிமையாளர் தெரிவித்தார்.
ஆனால், பாதம்கீர் கூல்ட்ரிங்ஸ் பாட்டிலின் விலை ரூ.25. மேலும் ரூ.5 ஏன் கேட்கிறீர்கள் என்று கேட்டார். இதனால் பேக்கரி கடைக்காரருக்கும், வேல்முருகனுக்கும் இடையே வாக்குவாதம் ஏற்பட்டது. அதன்பின் கடைக்காரர் சொன்ன விலையை கொடுத்துவிட்டு வேல்முருகன் கிளம்பிச் சென்றார்.சிறிது நேரத்தில் ஊர் மக்கள், நண்பர்கள் என 11 பேரை கூட்டிக்கொண்டு மீண்டும் பேக்கரிக்கு வந்து அதிக கட்டணம் வசூலித்து தகராறில் ஈடுபட்டார்.
அப்போது, பேக்கரி உரிமையாளர்கள் கோவிந்தராஜ், சிவக்குமார், சரவணன் உள்ளிட்டோரை, வேல்முருகன் தரப்பைச் சேர்ந்தவர்கள் கடுமையாக தாக்கினர். இந்த தாக்குதலின் சிசிடிவி காட்சிகள் சமூக வலைதளங்களில் வெளியாகி அப்பகுதியில் பெரும் அதிர்ச்சியை ஏற்படுத்தியுள்ளது. இந்த விபத்து குறித்து சிந்தாமணிப்பட்டி போலீசார் விசாரணை நடத்தி வருகின்றனர்.
காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா!
லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!
அப்படியே சாப்பிடுவேன்!! 5 அடி முதலையை விழுங்கும் மலைப்பாம்பு!