விஸ்தாரா - ஏர் இந்தியா இணைப்பு: செப்.3 முதல் விஸ்தாராவுக்கான முன்பதிவுகள் நிறுத்தம்!  நவ.12 முதல் ஒருங்கிணைந்த செயல்பாடுகள் துவங்குகிறது!

விஸ்தாரா நிறுவனம் ஏர் இந்தியாவுடனான தனது இணைப்பை அறிவித்திருந்த நிலையில், வரும் நவம்பர் மாதம் 12ம் தேதி முதல் ஒருங்கிணைந்த விமான சேவைகளில் செயல்பாடுகள் துவங்கும் என்று அறிவித்துள்ளது. செப்டம்பர் 3ம் தேதி முதல் விஸ்தாரா விமான பயணத்திற்கான முன்பதிவுகள் நிறுத்தப்படுவதாக அந்நிறுவனம் அறிக்கையில் தெரிவித்துள்ளது.

அதே சமயம் விஸ்டாரா நிறுவனம் நவம்பர் 11ம் தேதி வரை முன்பதிவு செய்து விமானங்களை வழக்கம் போல் இயக்கும். அனைத்து விஸ்தாரா விமானங்களும் ஏர் இந்தியாவால் இயக்கப்படும் மற்றும் இந்த விமானங்கள் இயக்கப்படும் வழிகளுக்கான முன்பதிவுகள் ஏர் இந்தியாவின் இணையதளத்திற்கு திருப்பி விடப்படும் என்று நிறுவனம் தெரிவித்துள்ளது.

இந்த மாறுதல் காலத்தில், விஸ்தாரா மற்றும் ஏர் இந்தியா ஆகிய இரண்டு நிறுவனங்களும், அனைத்து வாடிக்கையாளர்களுக்கும் தேவையான ஆதரவையும், நிலையான தகவல் தொடர்புகளையும், வசதிகளையும் உறுதி செய்யும் என்று தெரிவித்துள்ளது.

ஏர் இந்தியாவின் தலைமை நிர்வாக அதிகாரி மற்றும் நிர்வாக இயக்குநர் கேம்ப்பெல் வில்சன் கூறுகையில், "ஏர் இந்தியா மற்றும் விஸ்தாராவின் குறுக்கு-செயல்பாட்டு குழுக்கள் விமானம், பணியாளர்கள், தரை அடிப்படையிலான சக பணியாளர்கள் மற்றும் மிக முக்கியமாக மாற்றத்தை உருவாக்க பல மாதங்களாக இணைந்து பணியாற்றி வருகின்றன. எங்கள் மதிப்புமிக்க வாடிக்கையாளர்கள், புதிய ஏர் இந்தியாவை முடிந்தவரை தடையின்றி இணைக்கும் குழு எங்கள் விருந்தினர்களுக்கு விரிவாக்கப்பட்ட நெட்வொர்க், கூடுதல் விமான விருப்பங்கள், மேம்படுத்தப்பட்ட பயணம் மற்றும் முன்னோடி விமான நிறுவனங்களில் சிறந்ததை வழங்குவதை எதிர்நோக்குகிறது. உலகத்தரம் வாய்ந்த, உலகளவிலான, இந்திய இதயத்துடன் உலகளாவிய விமான சேவையை உருவாக்குவதற்கான இந்த அடுத்த கட்டத்தின் எங்கள் வாடிக்கையாளர்களுக்கு பயனளிக்கும்” என்று தெரிவித்துள்ளார்.

இம்மாதம் கடந்த 10ம் தேதியன்று, இரு நிறுவனங்களும் தங்கள் விமானப் பாதை பராமரிப்பு நடவடிக்கைகளை ஒருங்கிணைக்க, சிவில் விமானப் போக்குவரத்து இயக்குநரகத்தின் 145 அனுமதியைப் பெற்றன.

ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா