3.5 ஏக்கர் ஆக்கிரமிப்பு... நடிகர் நாகர்ஜூனாவுக்கு சொந்தமான பிரம்மாண்டமான கட்டிடம் இடிப்பு!

நடிகர் நாகர்ஜூனாவுக்கு சொந்தமான பிரம்மாண்டமான கட்டிடம் ஆக்கிரமிப்பு நிலத்தில் கட்டப்பட்டிருந்ததால் இன்று காலை ஜேசிபி கொண்டு இடிக்கப்பட்டது பரபரப்பை ஏற்படுத்தியுள்ளது. 

ஹைதராபாத்தில் நடிகர் நாகர்ஜூனாவுக்கு சொந்தமான கட்டிடத்தை இடித்து மாநகராட்சி நிர்வாகம் நடவடிக்கை எடுத்துள்ளது. நீர்நிலைகள், அரசு நிலங்களை ஆக்கிரமிப்பு செய்திருக்கும் இடங்களை அகற்ற ஹைதராபாத் மாநகராட்சி நிர்வாகம் தொடர் நடவடிக்கை எடுத்து வருகிறது. நீர்நிலைகளை சுற்றி ஆக்கிரமிப்பு செய்திருக்கும் கட்டிடங்களை செயற்கைக்கோள் மூலம் கண்டறிந்ததில் 56 குளங்களில் ஆக்கிரமிப்பு செய்யப்பட்டிருப்பது தெரிய வந்திருக்கிறது.

இதில் மாதப்பூர், தம்மிடிகுண்டா குளத்தை ஆக்கிரமித்து நடிகர் நாகர்ஜூனா பிரம்மாண்டமான கட்டிடம் ஒன்றைக் கட்டியிருக்கிறார். மொத்தம் உள்ள 29.24 ஏக்கரில் சுமார் 3.5 ஏக்கருக்கு சட்டவிரோதமாக ஆக்கிரமிப்பு செய்திருப்பதாக அதிகாரிகள் தெரிவித்துள்ளனர்.

இதனையடுத்து, இன்று காலை ஹைதராபாத் பேரிடர் மீட்பு மற்றும் சொத்து பாதுகாப்பு நிறுவனம் இந்த கட்டிடத்தின் 35 சதவீத கட்டுமானத்தை பெரிய ராட்சத இயந்திரம் வைத்து இடித்துத் தள்ளியுள்ளது. இதனால் அந்த பகுதியில் பரபரப்பு நிலவியது.

வாழ்வில் செல்வமும், அதிர்ஷ்டமும் கிடைக்க இதை மறக்காதீங்க!

பகீர்! கல்லூரி மாணவியைக் கடத்தி பாலியல் வன்கொடுமை!

பாதாள அறையில் சாய்பாபா! ஷீரடி போகும் போது இதை மிஸ் பண்ணாதீங்க!

வீடியோ! குளிக்கச் சென்றவரை உயிரோடு முழுங்கிய முதலை