கோர விபத்து.. கட்டுப்பாட்டை இழந்து தறிகெட்டு ஓடிய சொகுசு கார்.. 3 பேர் பரிதாபமாக பலி!

சென்னையில் இருந்து விழுப்புரம் நோக்கி கார் ஒன்று சென்று கொண்டிருந்தது. இந்த கார் விழுப்புரம் மாவட்டம் திண்டிவனம் அருகே வந்து கொண்டிருந்தது. மயிலம் அருகே வந்தபோது, ​​திடீரென கார் டிரைவரின் கட்டுப்பாட்டை இழந்தது. இதனால், கார் அதிவேகமாக தாறுமாறாக சென்றது.

அப்போது, ​​சாலையில் நடந்து சென்றவர்கள் மீதும், மோட்டார் சைக்கிள்கள் மீதும் ஒன்றன் பின் ஒன்றாக கார் மோதி விபத்து ஏற்பட்டது. பாதசாரிகள் தூக்கி வீசப்பட்டு பலத்த காயம் அடைந்தனர். மோட்டார் சைக்கிளில் சென்றவர்களும் தூக்கி வீசப்பட்டு பலத்த காயம் அடைந்தனர். இந்த விபத்து குறித்து தகவல் கிடைத்ததும் மயிலம் போலீசார் சம்பவ இடத்துக்கு விரைந்து வந்தனர்.

படுகாயமடைந்தவர்களை மீட்கும் போது, ​​சாலையில் நடந்து சென்ற ஒருவர் மற்றும் மோட்டார் சைக்கிளில் சென்ற இருவர் என 3 பேர் உயிரிழந்தது தெரியவந்தது. மோட்டார் சைக்கிளில் சென்றவர்கள் பூபாலன், அய்யப்பன் என்பது தெரியவந்தது. விபத்து குறித்து மயிலம் போலீசார் விசாரிக்கின்றனர். 3பேரின் சடலத்தையும் மீட்டு பிரேத பரிசோதனைக்காக விழுப்புரம் அரசு மருத்துவமனைக்கு அனுப்பி வைத்தனர்.

அக்டோபரில் பிறந்தவங்க அதிர்ஷ்டசாலிகள்... இது எல்லாமே அவங்களோட இயல்புகளா இருக்கும்!

செல்வம் நிலைத்திருக்க புரட்டாசி சனிக்கிழமை வழிபாடு, பலன்கள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

புரட்டாசி மாதத்தில் ஏன் அசைவம் சாப்பிடக்கூடாது ... விஞ்ஞான விளக்கம்!