21 வயசு தான் ஆச்சு. வாழ்க்கையில் எத்தனையோ கனவுகளோடு அமெரிக்காவில் அடியெடுத்து வைத்திருப்பார். திருமணம், சம்பாத்தியம், எதிர்காலம், பெற்றோர், உடன்பிறந்தவர்களைக் காப்பாற்றுவது, தோழிகளுடன் அரட்டை என அத்தனை கனவுகளும் நொடிப்பொழுதில் பாழாய் போது. அமெரிக்காவின் வஹுஸ்டன் பகுதியில் வசித்து வந்த நேபாளத்தை பூர்வீகமாகக் கொண்ட முனா பாண்டே(21), அதே பகுதியில் உள்ள கல்லூரி ஒன்றில் படித்து வந்தார். படித்து முடித்து அமெரிக்காவில் கைநிறைய டாலர்களை சம்பளமாக வாங்குவது தானே கனவாக இருந்திருக்க முடியும். இந்நிலையில், துப்பாக்கிச் சூட்டில் பலமாக காயமடைந்து தனது குடியிருப்பில் உயிருக்கு போராடினார். இது குறித்து போலீசாருக்கு அறிவிக்கப்பட்டது.

சம்பவ இடத்திற்கு போலீசார் வந்ததும், மாணவியின் உடலைப் பரிசோதித்து பார்த்து விட்டு, அவள் உயிரிழந்ததை உறுதி செய்தனர். இது குறித்த சிசிடிவி காட்சி பதிவுகளை பார்த்து ஆராய்ந்த போலீசார் , அந்த பகுதியில் ​​பாபி சின்ஹா ​​ஷா (52) என்பவர் சம்பவ இடத்திலிருந்து தப்பிச் சென்றது தெரிய வந்தது. துப்பாக்கியால் சுட்டு விட்டு, சம்பவ இடத்தில் இருந்து தப்பிச் சென்ற பாபி சின்ஹாவை போக்குவரத்து நிறுத்தத்தில் போலீசார் கைது செய்தனர். ஆரம்ப கட்ட விசாரணையில் அவர் இந்திய வம்சாவளியைச் சேர்ந்தவர் என்று தெரியவந்தது.

துப்பாக்கிச் சூடு மற்றும் தாக்குதலுக்கான காரணம் மற்றும் நோக்கம் தெரியவில்லை. அவரிடம் தீவிர விசாரணை நடத்தப்படுகிறது. அமெரிக்காவில் நேபாள இளம்பெண் கொல்லப்பட்ட சம்பவம் பெரும் அதிர்ச்சியை ஏற்படுத்தியது.

​​​​​​​ஆவணி மாத சிறப்புக்கள் , வழிபாடுகள், பண்டிகைகள்!

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்!

காதலித்து கர்ப்பமாக்கிய காதலன்... கைக்குழந்தையுடன் காதலி தர்ணா